Niyə MDU-nu seçməli?

Gənclər, universitet seçimi sadəcə “harada oxuyacağam?” sualı deyil. Bu, gələcək karyeranızın, şəbəkənizin və şəxsi inkişafınızın təməli deməkdir. 2024–2026-cı illərin rəqəmləri və beynəlxalq nəticələri aydın göstərir ki, Mingəçevir Dövlət Universiteti (MDU) artıq “regional universitet” statusundan çıxıb, sürətlə böyüyən, ölçülən və tanınan modern ali təhsil müəssisəsinə çevrilib.

Tələbə kontingentinin artımı

Universitetin rəsmi məlumatlarına görə, hazırda MDU-da 5000-dən artıq tələbə və magistrant təhsil alır. Bakalavr səviyyəsində tələbə sayı son dövrdə 5500-ə yaxınlaşib, magistraturada isə 300-ü keçib.

Bu artım təsadüfi deyil. Qəbul planı yüksək faizlə dolur, yüksək bal toplayan abituriyentlər (o cümlədən 600 baldan yuxarı nəticə göstərənlər) MDU-ya gəlir. Tələbə sayının artması universitetin regionda və ölkədə artan nüfuzunun birbaşa göstəricisidir.

Beynəlxalq reytinqlərdə sürətli yüksəliş

MDU artıq yalnız yerli deyil, qlobal ölçüdə də tanınır:

• UI GreenMetric World University Rankings 2025: Dünya üzrə 897-ci, Azərbaycan üzrə TOP-10-da (9-cu yer). 2024-cü illə müqayisədə 31 pillə irəliləyib, ümumi xal əhəmiyyətli dərəcədə artıb.
• WURI 2026 (innovasiya reytinqi): İki kateqoriyada dünya TOP-100-də — Tələbə dəstəyi və iştirakı üzrə 87-ci, sahibkarlıq mədəniyyəti və ekosistemi üzrə 73-cü yer. Azərbaycandan bu reytinqdə nəticə əldə edən yeganə universitet.
• THE Impact Rankings 2026: Ümumi nəticə üzrə 1001–1500 qrupuna yüksəlib. Dayanıqlı inkişaf məqsədləri (SDG) üzrə bir neçə istiqamətdə dünya üzrə 301–400 bəndində yer alıb.

Bu nəticələr universitetin idarəetmə modelinin, tələbəyə münasibətinin və innovasiya yanaşmasının beynəlxalq səviyyədə təsdiqidir.

Akademik potensial və elmi fəaliyyət

Son ildə universitet tədqiqatçılarının Web of Science və Scopus bazalarında indeksləşdirilən məqalələrinin sayı artıb. Akademik heyət gəncləşir və yenilənir — 100-dən çox yeni müəllim işə cəlb olunub. 3 fakültə, 10 kafedra, 38 bakalavr ixtisası və 20 magistratura ixtisaslaşması mövcuddur.

Beynəlxalq imkanlar və praktiki üstünlüklər

• Orhun Mübadilə Proqramında rekord nəticə: 68 əməkdaş və tələbə (o cümlədən 56 tələbə) xarici universitetlərə qəbul olunub.
• Yeni 7 hektarlıq kampus inşa olunur — 10 000 tələbə tutumlu müasir infrastruktur.
• “Azərbaycan İES” və digər yerli və beynəlxalq qurumlarla əməkdaşlıq memorandumları  tələbələrə real istehsalat təcrübəsi və iş yeri imkanı yaradır.
• Karyera və İnkişaf Mərkəzi aktiv fəaliyyət göstərir: təcrübə yerləri, CV bazası, əmək yarmarkaları.

2025-ci tədris ilinin  yekunu

Ötən 2025-ci tədris  ilində 878 tələbə və magistrant MDU-nu uğurla bitirib. Məzun günü dövlət qurumları, şəhid ailələri və geniş ictimaiyyətin iştirakı ilə keçirilib. Bu, universitetin ictimai nüfuzunun göstəricisidir.

MDU sizin seçiminiz ola bilər

MDU böyüyən, ölçülən və nəticə verən universitetdir. Tələbə sayı artır, çünki tələbat var. Beynəlxalq reytinqlərdə TOP-lara daxil olur, ona görə ki, keyfiyyəti yüksəldir. Yeni kampus və sənaye əməkdaşlığı sayəsində praktiki imkanlar genişlənir. Enerji şəhərində yerləşməsi ilə məzunlara yaxın məkanda karyera qazanmaq şansını artırır.

Əgər siz müasir, tələbə mərkəzli mühit, beynəlxalq mübadilə imkanları və real inkişaf dinamikası axtarırsınızsa — MDU sizin ən doğru seçiminiz ola bilər.